શાળા પંચાયત ચુંટણી- ૨૦૧૫/૧૬

                       શાળા પંચાયત ચુંટણી- ૨૦૧૫/૧૬

                   

                                          આજરોજ શાળામાં ભારતીય લોકશાહી પધ્ધતિથી શાળા પંચાયતની ચુંટણીનું આયોજન કરવામાં આવ્યું. આજની ચુંટણીનો મુખ્ય હેતુ શાળાના બાળકોમાં ભારતીય લોકશાહી ચુંટણી પ્રક્રિયા પધ્ધતિથી માહિતગાર બને એ હતો. પ્રથમ બે દિવસ પહેલા ચુંટણી જાહેરનામું બહાર પાડી અધ્યક્ષની પસંદગી થઇ. જેમાં ધોરણ - ૮ નો વિદ્યાર્થી કેલિન એ. પટેલ અને મોનીલ સી. પટેલની  પસંદગી થઈ. આ બંને પક્ષને એમનું ચુંટણી ચિન્હ ફાળવવામાં આવ્યું. જેમાં કેલિન એ. પટેલ ને માઈસ્કોરોસ્કોપનું ચુંટણી ચિન્હ  અને મોનીલ સી. પટેલને ત્રાજવાનું ચિન્હ મળ્યું. ચાર દિવસ પહેલા  ધોરણ- ૫ થી ૮ ના વર્ગોની બાળકોની સંખ્યા અનુસાર સીટોની ફાળવણી કરવામાં આવી. અને ચુંટણી જાહેરનામું બહાર પાડવામાં આવ્યું.  જેમાં ધોરણ- ૫ ની ૨ સીટ, ધોરણ- ૬-અ ની ૨ સીટ , ધોરણ- ૬ -બ ની ૨ સીટ, ધોરણ- ૭ - અ  ની ૩ સીટ , ધોરણ- ૭ - બ  ની ૩  સીટ અને ધોરણ- ૮- ની ૪ સીટ , આમ કુલ - ૧૬  સીટો મળી. અધ્યક્ષશ્રી ઓએ ધોરણવાર પોતાના ઉમેદવારો પસંદ કરી એમની પાસે ઉમેદવારી નોધાવી. 

                            જે મુજબ આજરોજ સવારે ૯.૦૦ કલાકે ચુંટણી પ્રક્રિયા શરૂ કરવામાં આવી. ધોરણ ૫ થી ૮ ના તમામ બાળકોને સવારથી જ આજની ચુંટણીનો ખુબ ઉત્સાહ જોવા મળીઓ.તમામ બાળકોએ આજની ચુંટણીમાં ભારતીય લોકશાહી ચુંટણી પ્રક્રિયા અનુસાર મતદાનમાં ભાગ લીધો. આ મતદાન ૮:૩૦ કલાકે શરુ કરી ૧૦:૩૦ કલાકે પૂર્ણ થયું.મતદાન પૂર્ણ થતાંની સાથેજ શાળાના શિક્ષકોના સાથ સહકારથી મતગણના થઇ.મતગણત્રી પૂર્ણ થતા ધોરણવાર વિજેતા ઉમેદવારોની જાહેરાત સોમવાર તારીખ- ૨૨/૦૬/૨૦૧૫ના રોજ જાહેર કરવાનું નક્કી કરવામાં આવ્યું.
                     
                             આજનો દિવસ શાળા માટે ખુબજ મહત્વનો રહ્યો. ધોરણ- ૫ થી ૮ ના બાળકો ચુંટણી પ્રક્રિયા અંગે પ્રેક્ટીકલ જ્ઞાન આપવાનો પ્રયત્ન શાળાના શિક્ષકો અને આચાર્ય શ્રી દ્વારા કરવામાં આવ્યો. ધોરણ ૫ થી ૮ ના તમામ શિક્ષકોએ પૂરો સાથ અને સહકાર આપી બાળકોને માર્ગદર્શન આપવામાં આવ્યું.
                           

                                 આજના પ્રસગની તસ્વીર ...................